Бир аалдың инектери куу болгаш шилги чүзүннүг турган. Бир чазын куу инээ кара бызаа төрүпкен. Ачазы бир хүн инек мыяа аштап турда, хеймер оглу ол кара бызааны аажок топтап кайгаан турган.
Ачазы оглундан ол бызааның чүзү кандыг чүве-дир деп сонуургап айтырган. Оглу туруп-туруп:
— Элдеп чүве-дир аа, ачай! Канчаар-даа бодаарымга, бо чоок-кавыда черле негр буга чок аан. Кайыын бо негр бызаа тыптып келген ирги?" — диген-дир.
Чурум үрээн дөрт харлыг уйнуун кырган-авазы азыгга тургузуп каан. Кырган-ачазы кылаштап келгеш, дыка шыңгыы айтырып:
— Кырган-аваң хомудадыпты бе, уруум? Мен ам баргаш, кырган-аваңның кулаан оора долгаптайн аа! — деп, уйнуун оожуктурган.
Аажок ыглап турган уйнуу оожургай хона бергеш:
— Сыргаларын меңээ бээр сен бе? – деп айтырган.
Соктай-оол чаа садып алган улуг телевизорун хавындан чазып турар. Хавының даштында дыка хөй демдектер чуруп каан. Оларның аразында рюмка хевирлиг демдек база бар.
Клара ону көрүп кааш:
— Чиктиин аа бо демдектиң? Ол чүү деп турары ол ирги? — деп сонуургап айтырган.
Соктай-оол тургаш:
— Билбес кижи сен бе? Телевизорну садып алгаш, ыяап «чуур» силер деп турары ол-дур — деп-тир.
Радиоэфирже бир кижи долгап келген:
– Меңээ Толя дугайында ырны салып бериңерем – дээн.
Радио улузу " Анатолий" деп ыры салывыткан. Бичии болганда, база катап демги кижиң долгай берген:
– Ол эвес, өске ыры- дыр – деп.
– Силерниң дыңнаксап турар ырыңарның сөстери кандыг? Оода каш сөзүн сактыр-дыр силер бе?
– Ийе, мынча деп турар ийик чоп: " Толька, Толька, Толька этого мало..."
«Шын» №67 2023 чылдың сентябрь 9