Башкызы Орлаанага «Каарган биле дилги» деп басняны номчуткаш, оон айтырган:
— Кым сеткилиңге чоок-тур — каарган бе азы дилги?
— Меңээ быштак чоок-тур… — деп, Орлаана харыылаан.
😀
Башкызы:
— Аян, шак-ла мынчаар өөренир болзуңза, ачаңның бажының дүктери агара бээр.
Аян:
— Ачам амыраар боор, чүге дизе ооң бажы тас болгай.
😀
Башкы:
— Кижиниң кандыг диштери эң-не сөөлүнде үнер ийик?
Өөреникчи:
— Мен бодаарымга, кылымал диштери боор оң.
😀
— Чижээ, сенде 10 рубль бар. Ачаңдан база 10-ну дилеп алган дижик сен. Шупту каттыштыр каш акшалыг боор-дур сен?
— 10 рубль, башкы!
— Багай-дыр, Мерген. Математиканы көңгүс билбес-тир сен.
— А силер мээң ачамны шуут билбес-тир силер, Аяна Андреевна!
😀
Математика кичээлинде башкызы Болаттан айтырган:
— Чүвүрүңнүң оң талакы карманындан үш рубль, а солагай талазындан — ийи рубль тып алган дижик сен…
— Ынчаарга, мен өске кижиниң чүвүрүн кедип алган-дыр мен — деп, Болат башкызын үзе кирген.
Чурукту интернеттен хоолгалаан.
“Шын” №19 2025 чылдың май 22