География башкызы Борядан Панама каналының дугайында чүнү билирин айтырган:
— Билбес мен, бистиң телевизорувуста ындыг канал чок…
☺
Кичээл үезинде:
— Иванов, чер бөмбүрзээн өттүр өрүмнептер болзувусса, кайнаар чеде бээр бис?
— Тенек аарыглар бажыңынче.
☺
Башкызы «Сая акшалыг болзумза, чүнү кылыптар мен?» деп темага чогаадыг бижиирин дааскан. 10 хире минута эрткенде, Рома айтырган:
— Татьяна Сергеевна, 100 акша немеп болбас бе?
☺
— Авай, башкы мени шуут математиканы билбес-тир сен дээш, дневнигимде бир-ле сан бижип кагды…
☺
Бир оол кудумчуга Соок-Ирей көрүп кааш, чанынга чеде бергеш чугаалаан:
— Экии, Соок-Ирей!
— Экии, оолчук! Чаа чыл-биле! Харааданчыын аа, сеңээ бериптер белээм чок ышкажыл…
— Анаа-анаа, кырган-ачай, мен акша кылдыр база ап болур мен!
Чуруктарны https://multiurok.ru/index.php... алган.
“Шын” №10 2026 чылдың март 19