ТР-ниң Баштыңы Владислав Ховалыг Моолдуң Тывада чиңгине элчини Чимид Ганболд болгаш Моолдуң Увс аймактың губернатору дээрги Чулуун Чимэд-биле ажыл-агыйжы ужуражылганы кылган.
Моол күрүнениң төлээлери Увс аймактың «Ойрад» хөгжүм-шии театрының артистери-биле аалдап келген. Ынчангаш ажыл-агыйжы ужуражылганың соонда, Кызылдың улусчу чогаадылга бажыңынга оюн-тоглаалыг концертин аалчылар бараалгаткан. «Ойрад» хөгжүм-шии театрының «Игил» ансамблиниң хөгжүмчүлери Тываның хөгжүмчүлери-биле кады концертти ажыткан. Чыылган чон кожаларывыстың оюн-тоглаазын улуг сонуургал-биле, изиг-изиг адыш часкаашкыннары-биле уткуп хүлээп алган.
А.Ондар белеткээн.
