ТР-ниң Чуртталга-коммунал ажыл-агый яамызының медеглээни-биле алырга, хөй квартиралыг бажыңнарның девискээрин бажың бүрүзүнде быжыглаттынган башкарыкчы компаниялар харыылаар.
Хоорайның төвүнде хөй квартиралыг бажыңнарның 1 дугаар каъдында садыглар, кафелер дээн ышкаш хууда сайгарлыкчыларның оран-савазының девискээрин олар боттары аштап-арыглаар дээрзин яамы сагындырган.
Бир эвес хөй квартиралыг бажыңнарның девискээриниң харын аштавайн турар, азы багай аштап турар болза, ук бажыңның башкарыкчы компаниязынче долгаар.
Ук айтырыгга хамаарыштыр билдинмес чүүлдер тургустунуп келирге, Кызыл хоорайның Красноармейская кудумчузунуң 100 дугаарлыг бажыңында 418 дугаар кабинетке келгеш, хомудалды киирип болур дээрзин ТР-ниң Чуртталга-коммунал ажыл-агый яамызының специалистери сагындырган.
Дараазында айтыгже базыпкаш, www.dom.gosuslugi.ru хомудалды киирип болур.