Республикада электри энергиязын чарыгдаан хемчээлин барымдаалап, ооӊ тарифтерин санаар чурумну июль 1-ден тура ажыглап турар.
Бөдүүнү-биле тайылбырлаарга, киловатт-шактыӊ өртээ электри энергиязын ажыглаан хемчээлинден хамааржыр. Бир эвес көрдүнген хемчээлинден хөйнү ажыглаан болза, улуг тариф-биле төлээр апаар.
Ажыглаан энергиязыныӊ хемчээлинден чырык өртээ санаар чурум хөй ажы-төлдүг өг-бүлелерге хамаарышпайн турар. Ук категорияныӊ хамаатылары свет өртээн баштайгы хемчээлде тариф-биле санажыр.
18 хар четпээн уругларлыг, үш болгаш оон хөй ажы-төлдүг абонентилер «Россети Сибирь Тываэнерго» акционерлиг ниитилелге билдириишкин киирер. Хөй ажы-төлдүг өг-бүлениӊ эрге-байдалын бадыткаар документиниӊ бодун көргүзер.
Документилер көргүзер чурум талазы-биле немей тайылбыр херек апарза, харылзажыр телефону: 8 (39422) 5-65-26.
“Шын” №95 2024 чылдың декабрь 11