2023 чылда Сарыг-Сеп, Суг-Аксы, Чаа-Хөл суурларга, Чадаана, Туран, Шагаан-Арыг хоорайларга алды хөмүр-даш складтарын кылыр.
Одаар чүүл шыгжаар черлерге тудуг материалдарын чедирип бээр, складтарны кылыр, аӊаа видеохайгаарал системазын кожар, деӊзилерни чедиргеш, эптээр ажылдар талазы-биле тус-тус керээлерни чарган дээрзин Тываныӊ Чуртталга-коммунал ажыл-агыйыныӊ яамызы дыңнаткан.
Сарыг-Септе, Суг-Аксында, Туранда складтар тудуу адакталган, а үш складтыӊ документилерин белеткеп турар.
Бай-Тайга, Барыын-Хемчик, Мөӊгүн-Тайга, Тес-Хем, Таӊды, Өвүр, Эрзин кожууннарга, Кызыл хоорайга хөмүр складтарын эрткен чылын кылган.
Керээ ёзугаар склад бүрүзүнге хөмүр-даш сөөртүр, ону чүдүрер тускай техниканы чедирер.
2023–2024 чылдарның одалга сезонунга белеткелге, 340 млн рубльди үндүрерин планнап турар. Одаар чүүл болгаш энергетика комплекизиниӊ объектилерин септеп кылырынга 272 млн ажыг рубльди чарыгдаар.
Одаар чүүл болгаш энергетика комплекизиниӊ, чуртталга-коммунал адырныӊ бүдүрүлгелери, социал албан черлери хөмүр-даш курлавырын сентябрь 15-ке чедир белеткээр.
ТР-ниӊ медээзи-биле Р. ДЕМЧИК белеткээн.
Чурукту интернеттен алган.