“Хөөмей – Төп Азия чоннарының культуразының феномени”

Тывага июнь 7-9 хүннеринде “Хөөмей – Төп Азия чоннарының культуразының феномени” VIII-ки Бүгү-делегей чергелиг симпозиум болур. Ону “Хөөмей” Бүгү-делегей чергелиг эртем төвүнүң 30 чыл оюнга тураскаадып эрттирер дээн.

Ооң мурнунда (1992, 1995, 1998, 2003, 2008, 2013, 2018) чылдарда эрткилээн симпозиумнар тыва чоннуң үндезин культуразының өнчүзү болур хөөмейниң делегей ниитилелинге ролю болгаш сагыш-сеткил культуразының онзагайын шинчилээринге улуг ужур-уткалыг болганын демдеглеп турар.

Чайын болур симпозиумнуң программазы ийи кезектен тургустунган:
- Амгы үеде хөөмейниң байдалы болгаш Төп Азия болгаш Россияның чоннарында аңаа дөмейлешкек хевирлеринге хамаарышкан эртем симпозиуму.
Аңаа киржир күзелдиг улус февраль 10-га чедир чагыгларын киирер. Март 20-ге чедир парладыр статьяларны хүлээр.

-Көшкүн чоннарның уран чүүлүнге тураскааткан хөөмейжилер аразынга конкурс болуп эртер.
Аңаа киржир күзелдиг улустан чагыгларны май 20-ге чедир хүлээп алыр. Май 30-де бүрүткедир, ону адыткаан дадывыр төлевирин чорудар.

Допчу медээни “Хөөмей” Академиязының сайтызындан көрүп болур. academykhoomei@gmail.com

Сорунза Монгуш

ТР-ниң Культура яамызының медээзи-биле.