Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Хадың суу — кадыкшылдың хандызы

16 апреля 2024
9

Хадың суу — кижиниң организминге витаминнер чедишпес часкы үеде ёзулуг солуттунмас дузалакчы. Ооң тургузуунда С витамин, В бөлүктүң витаминнери, фруктоза, органиктиг кислоталар, микробтарга удур шынарлыг финтоцидтерниң 10 ажыг ферментилери бар. Сагыш-сеткил дүвүрелинге алыскан, ээдергей апарган база витаминнер чедишпестей бергенде, бир хүнде 3 катап, чем мурнунда 1 стакан чулукту ижип алырга, часкы ундарал дораан чидер. Ол ышкаш баш дүгүнүң болгаш эът-кештиң ниити байдалын экижидер, чүректи дадыктырар. Ынчангаш ону ёзулуг суксун хандырар эм-дом чулук болгаш кадыкшылдың хандызы дээр.

Хадың чулуу бүдүмелдер солчулгазын база ижин хайылдырарын экижидер. Ону тыныш органнарын арыглаарынга, ревматизмге, подаграга, туберкулёзка, өт ыйлаңгызы болгаш бүүректер дашталганда, ыжыкка ижер. Ол кижиниң организмин хоралыг бүдүмелдер болгаш шлактардан арыглаар чаагай амданныг, ажыктыг часкы суксун!
Хадыңның «карааның чаштары-биле» кургаг арын кежин шыгыдып база арыглап болур. Ол ышкаш шивишкилээр, экземадан аараан улус хадың чулуу-биле аарыг черлерин аштап чуурга эки.

Ийи неделя дургузунда хадың суу-биле чугган баш дүгү кылагар болгаш сырый апаар. Хуулгаазын чулук баш дүгүн быжыктырар болгаш кургуяктарын база чидирер.

ХАДЫҢ СУУН ЧЫЫРЫ


Чазын хар эрээш, мочургалар частып, дүн-хүн дурту деңнежип турар үеде хадың суун чыыр. Ам таптыг-ла үези-дир. Хадың бир хонукта 2–3 литр чулуун бериптер, чамдык улуг ыяштар 7 литрден хөйнү берип болур. Хадыңны төндүр «саап» база болбас. Элээн каш хадыңны үттээш, чулукту кезектеп ап болур. Ыяштың чулуунуң төктүрү оожургай бээрге, үдүн ханыладып азы ол-ла ыяшты катап үттээн херээ чок. Ооң орнунга «донорну» солааны дээре. Чулук алган ыяштың үдүн чук азы хемчээли тааржыр ыяш будуу-биле дуглаар.

«Шын» №28 2024 чылдың апрель 13