Хайыраканда чаа оран-сава немешкен
«Демография» национал төлевилелдиң «Улуг салгал» деп программазы-биле Улуг-Хем кожууннуң Хайыракан суурда кырганнар болгаш кадыының байдалы кызыгаарлыг улустарны ажаап-тежээр бажың-интернатта 80 кижи чурттаар ийи чаа корпусту немей туткан. Чаа оран-сава амгы үениң негелделеринге дүгжүп турар.
2022 чылдың август 27-де чаа оран-саваларның ажыдыышкыны болган. Аңаа ТР-ниң күш-ажыл болгаш социал политика сайыды Эдуард Сандан бодунуң оралакчызы Орланмай Куулар болгаш респуб ликаның аңгы-аңгы булуңнарында интернаттарның директорлары, «Он-Кум» мода болгаш костюмнар театрының коллективи байыр чедирип келген.
Хайыраканның кырганнар болгаш кадыының байдалы кызыгаарлыг улус ажаар-тежээр интернаттың коллективи болгаш чурттакчылары ТР-ниң Баштыңы Владислав Ховалыгга, ТР-ниң күш-ажыл болгаш социал политика сайыды Эдуард Санданга, «Өлчей» ажык акционерлиг ниити-лелдиң чиңгине директору Оскал-оол Кысыгбайга кыска үениң дургузунда чаа оран-саваны немей туттуруп бергени дээш, өөрүп четтиргенин илереткен.
Бистиң корр.
Чуруктарны интернет четкизинден алган.
