2023 чылдың апрель 16-да Ай-Демир Көк-оолович Кадыг-оолдуң хенертен чок болганының дугайында ханы кажыыдал-биле дыңнаттывыс.
А.Д. Кадыг-оол Улуг-Хем кожууннуң Шагаан-Арыг хоорайга 1975 чылдың декабрь 5-те төрүттүнген.
Ол Иркутскунуң күрүне университединиң «Журналистика» салбырын дооскан соонда, профессионал журналист болуп, ажылчын допчу-намдарын «Тувинская правда» солундан эгелээн. Россияның Журналистер эвилелиниң кежигүнү болбушаан, «Новое время+» хамаарышпас солуннуң тургузукчузу болгаш үндүрүкчүзү турган. 2022 чылдың октябрь айдан эгелеп, сөөлгү хүннеринге чедир «Тываның аныяктары» болгаш «Сылдысчыгаш» солуннарның үндүрүкчү редактору болуп ажылдаан.
Ай-Демир Көк-оолович Кадыг-оол Чечен Республикага конститусчу тургузугну чедип алыр дайынның киржикчизи болбушаан хөй санныг дайынчы медальдар-биле шаңнаткан.
Сөөлгү оруунче 2023 чылдың апрель 19-та 13.00 шакта Кызыл хоорайның Кочетов кудумчузунуң 95 бажыңының 114 дугаар квартиразындан үдээр.
Тел. 8-923-333-3441 (өөнүң ишти), 8-923-610-9287 (дуңмазы).
Ханы кажыыдал-биле
17 апреля 2023
48