Бай-Тайга кожууннуң Тээли суурга Час болгаш күш-ажыл байырлалынга тураскааткан аныяктар аразынга холушкак хол бөмбүүнүң маргылдаазы болуп эрткен. Аңаа ниититизи-биле 6 команда киришкен. Оюннарның бедик деңнелдиг эрткенин кожуун чагыргазы дыңнаткан. Маргылдааның кол удуртукчузу кожууннуң спорт талазы-биле удуртукчузу Ч.А. Сотпа.
Чидиг демиселдиң түңнелинде
1-ги черге Бай-Талдың 1 дугаар командазы,
2-ги черге Бай-Талдың 2 дугаар командазы,
3-кү черге Шуй суурнуң командазы төлептиг болган.
Удуртуп эрттирген кожуун чагыргазының спорт килдизиниң ажылдакчылары тиилекчилерге байыр чедирип, шаңналдарны тывыскан.
