Январь 30-ден февраль 2-ге чедир "Сүбедей" спорт ордузунга 2008–2009 чылдарда төрүттүнген оолдар, уруглар аразынга республиканың бирги чери дээш хол бөмбүүнге маргылдаага Кызыл хоорайдан, кожууннардан 19 оолдар база 19 уруглар командалары чараш оюннарын көргүзүп, чедиишкинниг киришкеннер.
Республиканың бирги чери дээш маргылдаага дараазында командалар шаңналдыг черлерни алганнар. Оолдар аразынга 1-ги черни Кызыл хоорайдан "Сүбедей" спорт школазы, 2-ги черни Кызыл кожуун, 3–4-кү черлерни Каа-Хем биле Чөөн-Хемчик командалары. Уруглар аразынга 1-ги черни Ак-Довурак хоорай, 2-ги черни Каа-Хем кожуун, 3–4-кү черлерде Таңды биле Өвүр кожууннар болган.
Тиилекчи командаларның эки ойнакчыларының аразындан март айда Сибирьниң бирги чери дээш хол бөмбүүнүң маргылдаазынга Тываның адын камгалаар оолдар, уруглар командазын тургузар.
Алексей ЧАМБАЛ-ООЛ.
Чуруктарны интернеттен алган.
“Шын” №9 2023 чылдың февраль 7
