Мөңгүн-Тайганың Мөген-Бүренге январь 6-да православ шажын чүдүкчүлериниң кол байырлалы – Рождествога тураскааткан аңгы-аңгы чылдарның доозукчуларының аразынга хол бөмбүүнге маргылдаа болуп эрткен.
Ону тускай шериг операциязының киржикчизи Саид Артышович Салчак шанналдарын деткикчилеп эрттирген. Маргылдаа бедик деңнелге эрткен. Көрүкчүлер болгаш аарыкчылар зал сыңмас кылдыр чыылган. Ниити кижи саны 180 ажыг болган.
Маргылдаага шупту 11 команда киришкен. Удур-дедир ужуражып ойнаан командаларның солун оюннарының түңнелинде:
1-ги черни 2018 чылдың доозукчуларының командазы чаалап алган;
2-ги черни 2022 чылдың доозукчуларының командазы ээлээн;
3-ку черге 2019 чылдың доозукчулары төлептиг болган.
Шаңналдары:
Тиилээн командага акша шаңналы болгаш ирт;
2-ги черни ээлээн командага акша болгаш хой;
3-кү черге төлептиг болган команда акша болгаш сергени алган.
Өске шаңналдар:
"Эң эки халдакчы" Александр Самбыр-оол;
"Эң эки камгалакчы" Айдын Саая;
"Эң эки көдүрүкчү" Бежендей Куулар;
"Эң идепкейлиг көрүкчү" Владимир Сааяга акша болгаш хол белектерин тывыскан.
Медээ болгаш чуруктарны телеграмда Ыдыктыг Бай-Оваа бөлүктен алган
