Ийи кырган чугаалажып орар:
— Эмчи менде склероз, ревматизм, астма, стенокардия бар диди.
— Болзун, болзун! Ооң орнунга сенде чүү чок, ону чугаала.
— Диштер.
* * *
Автобуска бир кырган-авай саат дайнап турар оолду көргеш:
— Хей-ле меңээ ону чугаалап турар сен, оглум. Мен дүлей мен.
* * *
Ийи пенсионер кадайлар чугаалажып турар:
— Ашаамның дыргаан хемирер багай чаңчылын соксаттым.
— Канчап?
— Диштерин чажырыптар-дыр мен.
* * *
— Кырган-ачай, бакты эки-биле харыылаар дээри шын бе?
— Ийе, оглум, шын.
— Ынчаарга меңээ мороженое өртээнден берем, мен сээң очкиңни бузуп кагдым.
* * *
Карантин үезинде уйнуу кырган-ачазындан айтырган:
— Сен "ырактан" өөренген сен бе, кырган-ачай?
— Ийе, оглум: бистиң суурдан школага чедир чадаг кылаштаары 5 километр.
* * *
Документилер долдуруп турар аныяк кыс пенсионерден айтырган:
— Даштыкы чурттарже чораан силер бе?
— Ийе.
— Кайнаар?
— Прага, Дрезден, Берлин четкен мен.
— Оо, автобустуг турга чордуңар де…
— Чок, 45 чылда танкыга.
«Шын» №74 2023 чылдың сентябрь 30
