Кызылда "Херел" спорт залынга ноябрь 17–18 хүннеринде хостуг хүрешке республиканың 65 дугаар байырлыг чемпионады болуп эрткен. Ооң кол сорулгазы — 1–2 дугаар чер алган мөгелер декабрьның 21–23 хүннеринде Красноярск хоорайга Д.Г. Мендиашвили аттыг маргылдаага эки хүрешкеш, И. Ярыгин аттыг делегей чергелиг Гран-при турнирге киржир эргени алыры.
И. Ярыгин турниринге хүрежир путевкалыг бисте 4 мөге бар деп республиканың алдарлыг тренери Алим Ооржак демдеглээн. Оларга Начын, Чаян, Кежик Монгуштар база Амир Чамзын хамааржыр. Чемпионаттың түңнелинде, дараазында мөгелер Д.Г. Мендиашвили маргылдаазынга киржири-биле шыңгыы белеткелди тренерлериниң удуртулгазы-биле чорударлар. Оларга: 57 килге – Айслан Монгуш (тренерлери Т.А. Ооржак, А.Ю. Хомушку); Аңгырак Базыр-оол (тренерлери К.-Д.М. Ооржак, М.Ч. Ооржак); 61 килге – Аяндай Ондар (тренери О.В. Сат), Альберт Тумат (тренерлери К.-Д.М. Ооржак, М.Ч. Ооржак, Б.Н. Дүвендей); 65 килге – Давид Сагды (тренери С.В. Ламажап), Иван Санчи-Мидип (тренерлери М.М.Санаа, Э.-М.А.Донгак); 70 килге – Эзир Тюлюш (тренери Э.-М.А. Донгак), Ай-Белек Монгуш (тренерлери А.В. Күжүгет, А.Ю. Хомушку); 74 килге – Сайын Казырык (тренери Б.В. Бурбучук), Экер Сат (тренери Е.Ш. Дүвендей); 79 килге – Хемчик-оол Салчак (тренери А.А. Чадамба), Оттук Ооржак (тренерлери Д.С. Тюлюш, М.В. Мортуй-оол); 86 килге – Баяр-Сайхаан Бады (тренери Д.В. Ондар), Тумер Ондар (тренери М.М. Санаа); 92 килге – Михаил Ховалыг (тренерлери Д.С. Тюлюш, А.К. Тулуш), Артур Шагжы (тренери С.В. Кенден); 97 килге — Бады-Маадыр Самдан (тренерлери А.А. Чадамба, К.М. Монгуш), Сорукту Калин-оол (тренери С.В. Ламажап); 125 килге – Айдың Монгуш (тренери М.В. Мортуй-оол), Күдерек Тартый-оол (тренери О.М. Хертек).
Чемпионатка чараш аргалыг хүрешти Михаил Ховалыг база тиилелгеже чүткүлдү Тумер Ондар көргүскеннер. Мөгелерге эки белеткелди база спортчу чедиишкиннерни күзедивис.
Алексей ЧАМБАЛ-ООЛ.
Авторнуң тырттырган чуруктары.
«Шын» №90 2023 чылдың ноябрь 25
