Шагаа ширээзи
Шагаа ширээзинге салыр чемнерниң бирээзи — хуужуур. Бо тыва национал чемни чер-чер аайы-биле аңгы-аңгы кылыр: инек, хой эъди-биле болгаш тырткан азы хээндектээн ижин-хырын-биле чемнээр.
Херек чүүлдер: далган, хендир үзү, суг, чуурга, инек азы хойнуң мөң эъди, чаг, согуна, кара перец, дус.
Кылыры: эът биле чагны бичииледир доораар. Ооң кырынче база доораан согунаны немээр. Доораан эът, согунаже кара перец, дусту амдан киир каар. Шупту херек чүүлдерин холаан эътти 10–15 минута тургузар.
Далганга чаңгыс чуурга, суг, шымчым дус холааш, нугуур. Манчы далганы ышкаш туткаш, база кезек тургузар.
Туткан далганны аяк ишти хире хемчээлдиг кылдыр чугаладыр өер. Өйген далганның ортузунга эътти дескилей салгаш, кыдыгларын чыпшыр өрүүр.
Пашты отка салгаш, хендир үзүн эки изиткеш, хуужуурларның ийи талазындан саргартыр хаарар.
Ширээге салырда, ногаа-биле каастап алыр. Хуужуурларны изии-биле чиирге чаагай. Чем чиртингир болзун!
“Шын” №7 2025 чылдың февраль 27