2026 чылдың февраль 1-ден ие капиталының төлевирлерин 5,6 хууга көвүдеткенин Россияның Социал фондузунуң Тыва Республика талазы-биле эргелели дыңнадып турар. Планныг индексация сертификатта акша-хөреңгизин шуптузун азы чамдыызын арттырып алган өг-бүлелерниң шуптузунга хамааржыр.
Февраль 1-ден баштайгы уруу дээш ие капиталы 728 921,90 рубль боор. 2020 чылдан бээр ийиги ажы-төлдүг азы дараазында ажы-төлдүг апарган өг-бүлелерге (ооң мурнунда сертификат алыр эргези чок турган болза) ие капиталы 963 243,17 рубль. Бирги уруу дээш ие капиталы ап турган өг-бүлелерге 2-ги ажы-төлү дээш ие капиталы 234 321,27 рубльге көвүдей бээр.
2007 чылда эгелээн Программа ёзугаар ие капиталының сертификаттарын Тывада 59 муң өг-бүлелер алган. Ие капиталының акшазын 39 муң өг-бүлелер долузу-биле ажыглаан.
Ие капиталын чамдыызын ажыглаан ада-иелер акшаның көвүдеткен хемчээлин алганнар. Ие капиталының ажыглаттынмаан акшазының дугайында медээлерни Күрүне ачы-дуза порталындан билип ап болур. Ие капиталының чарыгдаттынмаан акшазының дугайында шынзылганы Россияның Социал фондузунуң Тывада салбырындан болгаш клиентилер-биле албанындан азы Хөй ачы-дузалыг төптен (МФЦ) ап болур.
Ие капиталының сертификадының акшазын чуртталгазының байдалын экижидеринге, ажы-төлүн өөредиринге, ада-иениң пенсиязының чыылдазынга, барааннар садып алырынга, инвалид уругларның кадыын экижидеринге ажыглап болур.
Бир эвес ие капиталының сертификадының ажыглаттынмаан акшазы 10 муң рубльден көвүдевес болза, Тывада өг-бүлелер ону хары угда ап болур.
Ие капиталының хемчээлинге болгаш ооң артыкшылынга хамаарыштыр тайылбырны Россияның Социал фондузунуң Тыва Республика талазы-биле эргелелиниң клиентилер-биле ажылдаар албанындан болгаш чаңгыс аай харылзаа төвүнүң 8-800-100-00-01 дугаарлыг телефону дамчыштыр ап болур. Регионда операторлар хамаатыларга тайылбырны понедельник – четверг хүннеринде 09.00–18.00, пятницада 09.00– 16.00 шактарда чорудуп турар.
РФ-тиң Социал фондузунуң Тывада салбыры.
“Шын” №6 2026 чылдың февраль 19