Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Иелер хүнүнде шуулган

26 ноября 2023
12

Ноябрь 22-ниң хүнүнде Мөңгүн-Тайга кожууннуң төвү Мугур-Аксы суурнуң 2 дугаар школазынга аваларга болгаш уругларга кожуун чергелиг “Төрээннеривис-биле кады” деп шуулган болуп эрткен. Аңаа ниитизи-биле 40 ажыг ада-иелер, уруглар болгаш башкылар киришкен.

Иелер хүнүнге тураскааткан шуулган “Өг-бүлениң сонуургалдарының делегейи” деп өөреникчилерниң авалары-биле чогаадыкчы делгелгеден эгелээн. Аңаа авалар болгаш уруглар боттарының янзы-бүрү материалдардан кылыгларын делгеп, тайылбырлап чугаалаан.
Улаштыр шуулганның байырлыг ажыдыышкыны болган. Аңаа школаның ажыл-амыдыралынга идепкейлиг киржип турар ада-иелерни, өг-бүлелерни шаңнап-мактаан.

Психолог башкы Дамырак Салчак ада-иелерге болгаш уругларга “Бис аңгы-даа болзувусса, кады бис” деп тренингини эрттиргени кончуг солун болгаш ажыктыг болган. Бо хемчег школаның ада-иелерин улам-на школаның амыдыралынче чоокшуладып, оларның аразында найыралды, демни күштелдирген.

Оон аңгыда, “Уругларга бүзүрелдиң телефонунуң минутазы” деп илеткелди номчуп, кандыг байдалдарда бүзүрелдиң телефонунче долгап, арга-сүме ап болурун чугаалап берген.

Кожууннуң акушер-гинеколог эмчизи “Оолдар, уругларның сайзыралының онзагайлары – айыыл чок кижизидилгезиниң магадылалы” деп лекцияны аваларга номчаан. Ук темага хамаарыштыр уруглары-биле канчаар чугаалажыр аргаларын айтып берип, ада-иелерниң сонуургаан айтырыгларынга база профессионал харыыларны берген.

Оон аңгыда, психолог башкының “Өг-бүледе ада-иениң кадык хамаарылгазы” деп оюну өг-бүле бүрүзүнге кончуг ажыктыг болганы билдингир. Аңаа ада-иелер чүгле чаа билиглерни шиңгээдип алыр эвес, угаан-медерелин сайзырадып, ажыл-агыйындан дыштанып, үезин ажыктыг кылдыр эрттирген.

Иелер хүнүнге тураскааткан делгелгеге ниитизи-биле 9 өг-бүле киришкен. Түңнелинде, 10 “а” класстан ава Венера Мунзук тиилекчи болган. Ийиги черни 2 “а” класстың идепкейжи аваларының бирээзи Алдын-кыс Хертек төлептии-биле чаалап алган. 2-ги болгаш 3-кү черлерге 7 “а” класстан Алдынай Тейнин база 6 “а” класстан Айлаана Дагба олар келгеннер. “Эң-не чогаадыкчы өг-бүле” деп тускай номинацияга 4 “а” класстың ада-иези Айслана Донгак тиилекчи болган.

Чыжыргана СААЯ.

Чурукту интернеттен алган.

«Шын» №90 2023 чылдың ноябрь 25