Хоюг сүт биле чаагай амданныг көк-кат бот-боттарынга дыка тааржыр. Халыын изигде көк-кат биле сүт холаан коктейль кижини сериидедир, күш киирер. Коктейлди чаа чыгган азы доңурган кат-биле кылып болур.
Херек чүүлдер (3 порцияга): 500 мл сооткан сүт, 250 г көк-кат, 50 г чигир.
Сүттү холодильникке соодур тургузар. Каттарны аштааш, агым суг адаанга чуггаш, пашче каар. Ооң кырынче чигирни каггаш, 150 мл сугну немээр. Митпееринге чедир 10 хире минута хайындырар.
Хайындырган сироп эмин эрттир митпек азы дыка суук болбас ужурлуг. Соодур тургузупкан сиропту шүүр өттүр шүүрээр.
Блендерниң савазынче соок сүттү куткаш, көк-каттың сировун немээр. Чаңгыс аай хоюг апаарынга чедир блендерге көвүктелдиг булгадыр. Көк-каттыг, сүттүг коктейл болганы ол. Чем чиртингир болзун!
"Шын" №62 2024 чылдың август 17
