Чуртталга бажыңнарының, социал объектилерниң болгаш өске-даа организацияларның оран-савазының кырында хар кыжын кылыннадыр чаггаш, тырылган, агаар-бойдустуң чылыш дээн хүннеринде дожаңналдыр доңган. Час чоокшулаан, агаарның чылыыры-биле холбаштыр бажыңнар кырында харны дүжүрер талазы-биле ажылдар эгелээр.
Бажыңнарның кырындан харны болгаш дошталган харны дүжүрер ажылды чорудуп тура, күш-ажылдың айыыл чок чоруунуң негелделерин, ол ышкаш хамаатыларга бо ажылдарның айыыл чогунче онза кичээнгейни салырын хөй аал чурттаар бажыңнарның башкарыкчы компанияларынга болгаш өске-даа организацияларга база ажыл берикчилеринге Хакас болгаш Тыва республикалар талазы-биле күрүне инспекциязы сагындырып турар.
Харны бажыңнар кырындан канчаар дүжүрериниң чурумун Хакас болгаш Тыва республикалар талазы-биле күрүне инспекциязы тайылбырлап, ол ажылга бедик черлерге ажылдаар талазы-биле белеткелди эрткен, камгалалдың дериг-херекселдери-биле хандырган ажылдакчыларны хаара тударынче ажыл берикчилериниң кичээнгейин угландырган. Бо ажылдарга он сес хар четпээн хамаатыларны хаара тудары хоруглуг.
Бажыңнар кырындан харны болгаш дожаңнарны дүжүрер мурнунда бажыңнар чанынга болгаш кудумчуларга хамаатыларга айыыл чогунуң зоназын тодарадыр, ол зонаны кажаалаар болгаш сагындырыг демдектерни тургузары дээш ажылдарның канчаар чорударын Хакас болгаш Тыва республикалар талазы-биле күрүне инспекциязы бодунуң медээ документилеринде тайылбырлаан.
Ол бүгүнү РФ-тиң Күш-ажыл яамызының 2020 чылда үндүргени 758н дугаарлыг “Чуртталга-коммунал ажыл-агыйларынга күш-ажыл камгалалының дүрүмнери” деп дужаалындан билип ап болур.
Бистиң корр.
Хакас болгаш Тыва республикалар талазы-биле күрүне инспекциязының медээзинден.
Чурукту интернеттен алган.
“Шын” №5 2026 чылдың февраль 12