1. Хүн бүрүзүн хүлүмзүрүгден эгелээр.
2. Эртенги чем мурнунда 1 стакан сугдан ижип алыр.
3. Эртенги сула шимчээшкинни кылып эгелээр.
4. Арага, таакпыдан ойталаар.
5. Дараазында хүннүң планын тургузуп, чүнү кедерин белеткеп чаңчыгар.
6. Хүнде элээн каш чимис болгаш ногаа аймаандан чиир.
7. Багай бодалдарны эки талазынче өскертир.
8. Дурт-сынын, ооргазын хертеш кылдыр тудар, дорт кылаштаар.
9. Чемненирде, хүнде 4–5 катап ол-ла шактарында бичиилеп чемненир.
10. Эртенги үеде кофе ижериниң орнунга соок суг-биле шаптанып азы душтанып алыр.
11. Хүннүң-не ол-ла шакта удааш, оттуп чаңчыгар. Уйгузун чедир удуур.
12. Кежээки үеде агаарлап ап турарга эки.
13. Солун болгаш ажыктыг бодалдар башка кирип келирге, дораан бижип алыр.
14. Удуур мурнунда өрээлин агаарладыр. Сериин өрээлге удуур.
15. Хүннүң-не бажың аштап-арыглаарынче 15 минутаны аңгылаар.
16. Удуур мурнунда чуннуп алыр.
17. Бажыңынга ажылдааш келгеш, 15 минута дургузунда аянныг ыры кыпсып алгаш, дыштаныр.
18. Кижилерге мактал сөстер чугаалаар, экини сеткиир.
19. Шүлүк өөренип, кроссворд тып, шыдыраа ойнап, угаанны сайзырадыр.
20. Хүннүң-не 10 даштыкы сөстен өөренип ап турар.
21. Хүнде оода 30 минута дургузунда номчуттунар.
22. Ынак кижилеринче болгаш ада-иезинче чылдагаан чокка долгаар.
23. Йогалаар азы тынышка мергежилгелер кылыр.
24. Хууда дневник кылып алгаш, ынаар бодунуң шупту чедиишкиннерин бижиир.
«Шын» №26 2024 чылдың апрель 6
