Улуг-Хем кожууннуң Шагаан-Арыг хоорайының гимназиязы 2022–2023 өөредилге чылында “Школаларның чаартылгазы” деп федералдыг программа-биле капиталдыг септелге чорудар школаларның санынче кирген. “Планета” КХН септелге ажылдарын апрель 1-ден август 1-ге чедир доозар. Ук организация эрткен чылын Кара-Хаак суурнуң школазын бүрүнү-биле шынарлыг септээн.
Школаның таваандан дээвииринге чедир шуптузун бүрүнү-биле солуур. Одалга системазы, чырык, изиг-соок суг, канализация болгаш агаар үнер система ажылы, өрт медээлээриниң дериг-херексели, видеохайгаарал салыры дээш оон-даа өске чаартылга ажылдарын чорудары. Ол ышкаш электромонтаж, штукатур, шывар болгаш шеверлээр ажылдарны база чорудар.
Хүлээнип алган организация ажылдарын баш бурунгаар март 30-де эгелээн. Бо хүнде гимназияда монтаж болгаш чаа пластик соңгалар салыр ажылдар чоруп турар.
Септелге үезинде гимназияның эге класстар өөреникчилери – Шагаан-Арыгның 2 дугаар школазында, ортумак 5–8-ки класс- тар – хоорайның 1 дугаар школазында, 9–11-ги класстар – 2 дугаар школаның өөредилге болгаш консультация төвүнде өөренип турар.
Кичээлдер бадылаан чурум ёзугаар ийи ээлчегде болуп турар.
Эге школа өөреникчи- лерин 2 дугаар школада изиг чем-биле хандырып, баш удур бадылаан шак чуруму ёзугаар оларны школа автобузу-биле чедирип турар.
"Шын" №26 2023 чылдың апрель 12
#Шынсолун #Тыва #Капиталсептелге#Өөредилге #Школа #Шагаан_Арыг #ШколаларныңЧаартылгазы
