«Ийиги хлевивис» дээр картошкавысты тарыыр үе келген. Картофельдиң кандыг сорту бистиң агаар-бойдузувуска тааржырын көрээлиңер. Чеже-даа эки сорт болза, ол кайы-бир регионга өстүреринге таарымчалыг болур ужурлуг. Ылаңгыя чайы кыска, соок болгаш узун кыштыг Сибирьге ол эң-не хамааржыр.
Дошкун агаар-бойдустуг регионга тааржыр картофельдиң эң-не эки сорттарын сүмелээр-дир бис: «любава» — үр шыгжаттынгыр, «ароза» — эң-не эрте быжар, «колобок» — эң-не өртээ чиик, «королева Анна» — эң-не шыдамык, «коломбо» — тургузуунда крахмалы эвээш, «гала» — эң-не амданныг, «ирбитский» — эң-не улуг, «пушкинец» — бүгү талалыг, «луговской» — эң-не дүжүткүр, «адретта» — эң-не нептереңгей.
Бо сорттарның шын ажаалдазындан тергиин эки дүжүттү ажаап ап болур. Эки дүжүт алыр дээр болза, картофель олуртурунуң кол дүрүмнерин сагыыры чугула. Дуржулгалыг агрономнарның сүмези:
- тарыырда ортаакы (полоса) регионнардан 2–3 неделя орай олуртур. Эң-не таарымчалыг хуусаазы май 20-ден 25-ке чедир, кажан хүннүң ортумак температуразы 8–9 градустан эртип эгелээрге;
- май айның эгеки хүннеринде тарылгага белеткел ажылдарын эгелээр: картофельди сорттаар, шилиттинген үнүштерни аңгылааш, чылыг болгаш эки агаар эрттирип турар черге шыгжаар;
- быжыг чиирбейлер (3 неделя эрткенде) үнүп кээрин манаар;
- дазылданы берген картофельди хөрзүнүн эки үлдүрерткен черге олуртур.
“Шын” №37 2024 чылдың май 25
