Бичии уруг боданып чугааланган:
— Ак биле кара инектерниң ылгалы чүде ирги аа? Мен бодаарымга, ак инектер сүт бээр, а кара инектер — кофе…
— Мерген, чүге өске улустуң ооргазының артында чаштынып тур сен?— деп, кичээл үезинде башкызы айтырган.
— А бодумнуң ооргам артынга канчаар чаштынар кижи мен?
Башкы Олчадан айтырган:
— Соңгу чүк кайда турар-дыр, а Мурнуу чүк кайда?
— Соңгу чүктүң кайдазын билбес мен, а Мурнуу чүк самбыра мурнунда.
— Канчап?
— Самбыра мурнунче үнүп кээримге, дыка изиг апаар диин.
— Бөгүн школага бисти тарып турду, авай!
— Ыглаваадың-на ыйнаан, уруум?
— Чок, авай, олар мени сүрүп шыдавады.
— Чүге ыглап тур сен, кызым?
— Чолдак-ой (хомяк) салаамны ызырыпты, авай!
— Муңгарава, кудаңга чедир сегий бээр сен!
— А мен муңгаравайн тур мен, чолдак-ойнуң бодун база ызырыпкан болгай мен.
Башкы балыктап тургаш, хензиг байлаң ушта соп эккелген. Ону сыырткыыштан адыргаш, сугже дедир октапкаш, чугаалаан:
— Дүрген чан, ада-иең чокка келбес сен!
Чуруктарны интернеттен хоолгалаан.
“Шын” №29 2025 чылдың июль 31