Кичээлче дөрт өөреникчи озалдап каан. Башкызы биргизинден айтырган:
— Белек, чүге озалдай бердиң?
— Авам аарый берген, эм садып бээр дээш, аптека чордум.
— А сен? — деп, Маадырдан башкызы айтырган.
— Бистиң шагывыс үрели берген.
Үш дугаар өөреникчиден башкызы айтырган:
— Ам сен чүү дээш озалдадың, Орлан?
— Бажым дыка аарып турду, башкы.
Дөрт дугаар өөреникчи хенертен ыглай-ла берген.
— Чүге ыглай бердиң, Айдың? — деп, башкызы элдепсинип айтырган.
— Чүү дээш озалдаанымны чогаадып чадап кагдым… Олар шуптузун чугаалап каапты ышкажыл…
😃
— Авай, меңээ бежен рубльден берем. Кээргенчиг кырганга бээрим ол-дур.
— Угаанныгбайым! Кайда олур, ол кээргенчиг ашак?
— Дөө ол, мороженое садып тур!
“Шын” №44 2025 чылдың ноябрь 13