Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Кемниг херектер үүлгедиишкиннери эвээжээн

13 мая 2023
24

Тываның Чазаанга албан черлериниң чөвүлел хуралынга 2023 чылдың баштайгы үш айында республиканың девискээринге кемниг херектер үүлгедиишкининиң байдалын сайгарып чугаалашкан.

Чөвүлел хуралдың ажылынга РФ-тиң Истелге комитединиң Тывада Истелге эргелелиниң, Тываның прокуратуразының, Айыыл чок чорук эргелелиниң, республиканың ИХЯ-ның база ОШАЧКИ-ниң, Суд приставтарының федералдыг албанының болгаш өске-даа албан черлериниң, профилактика органнарының удуртукчулары киришкен.

Тываның ИХЯ-ның медээзинден алырга, бо чылдың эгезиниң оперативтиг көргүзүглери багай эвес. Бүрүткеттинген кем-херек үүлгедиишкиннериниң ниити саны кудулаан. Аар болгаш онза аар кем-херек үүлгедиишкиннери 10 хуу чавызаан. Кадыкшылга аар болгаш онза аар хора чедирер чоруктар 2,4 хуу эвээжээн. Өлүрүүшкүннерниң, үптээшкиннерниң, бузурукчу чоруктарның база эзирик үеде кем-херек үүлгедир чоруктарның саны кызырылган.

Мооң мурнунда шииттирип чораан кижилерниң талазындан дагын катап кемниг херектер үүлгедириниң көргүзүү 7,9 хуу кудулаан. Ол бүгүнү тус-тус девискээрлерниң чагырга черлериниң чорудуп келгени профилактика ажылының түңнелинде чедип алган.

Эрткен чылын Тыва Россияның субъектилериниң ортузунга кем-херек үүлгедиишкиннерин чавызадырының талазы-биле Чечен Республиканың соонда ийиги черни ээлээн. Бо чылын ук көргүзүг талазы-биле Тыва 10-гу одуругну ээлеп турар. Тываның прокурору Сергей Дябкин ук көргүзүгнү багай эвес деп санап турар. Республиканы кем-херек үүлгедиишкиннеринден хоорар хемчеглерниң күүселдези мындыг түңнелдерни көргүскен деп ол демдеглээн.

Ниити көргүзүглер экижээн-даа болза, чамдык багай көргүзүглер база бар, тодаргайлаарга, чамдык кожууннарда – Бай-Тайга кожууннуң девискээринде — кемниг херектер үүлгедир чоруктарның саны өскен. Эзирик кем-херек үүлгедиишкиннериниң саны Тес-Хем кожуунда улгаткан. Бо талазы-биле Тыва Россияның регионнарының ортузунда мурнуку черде хевээр.

Ук чөвүлел хуралга профиликтика ажылының онза чугулазын демдеглеп, аңаа хамаарышкан бүгү албан черлериниң киришкен турарын айыткан. Бо чылдың чайынында Тываның Баштыңы Владислав Ховалыгның деңнелинге албан черлериниң аразынга чөвүлел хурал болуп эртер. Аңаа Россияның прокурорунуң оралакчызы Дмитрий Демешин база киржир.

Оон аңгыда, республикада өлүмнүг орук-транспорт озал-ондааның өзүп олурары улуг дүвүрелди болдуруп турар. Ол бүгү 47 хуу өзүлделиг болган. Озал-ондакка буруулуг кижилерни, эзирик байдалдыг чолаачыларны харыысалгага онаарының талазы-биле хемчеглерни шыңгыырадырын хуралга чугаалашкан.

/ А. ХЕРТЕК белеткээн.

"Шын" №34 2023 чылдың май 13