Август 6-дан Тывада хөй ажыл-чорудулгалыг төптер баш бурунгаар бижидилге-биле хамаатыларны хүлээп эгелээр.
«Мои документы» мобильдиг капсырылга, азы МФЦ mfcrt.ru сайт таарыштыр, азы +7(800)-200-33-96 «изиг шугум» дугаарынче долгааш, хүлээп алыышкынче бижидип ап болур.
Республиканың Хөй ажыл-чорудулгалыг төвү эпидемиологтуг байдал ам-даа чогумчалыг эвес болганы-биле, түр када өскерилген чурум-биле ажылдаар.
Понедельникте 10:00 шактан 19:00 шакка чедир (дүштеки чапсар - 12:00 - 13:00);
Вторниктен пятницага чедир, 08:00 шактан 17:00 шакка чедер (дүштеки чапсар - 12:00 - 13:00);
Субботада дүштеки чапсар чокка, 09:00 шактан 14:00 шакка чедер.
ТР-ниң Баштыңының албан-хүлээлге күүседикчизиниң 2021 чылдың июль 14-те №231 чарлыы-биле, хамаатылар хүлээп алыышкынын түр када соксаткан турганын сагындыраал.
#МФЦ #Моидокументы #Хөйажыл_чорудулгалыгтөптер #Тыва #Тува #Тувамедиагрупп #Тывадыл #Тывамедээ #Tuva #Shyntuva