Кичээнгейлиг! Грипп болгаш ОРВИ өөскүп турар

Бо халдавырлыг аарыглардан аараан кижилерден эмчи чалаан таварылгалар көвүдээнин барымдаалааш, Республиканың дүрген дуза чедирер төвүнде база айыыл-халап медициназында ийи немелде фельдшер бригадазын организаастаан.

Ук Төптүң медээзи-биле дүрген дуза кадар станцияже келген медээлер-биле эрткен неделя дугузунда эмчилер 2239 үнүүшкүннерни кылган. Ооң мурнунда неделяга көөрде, 12, 1 хуу хөй болуп турар. Бир хүнде ортумаа-биле 320 медээ чурттакчы чондан кээп турар, дыштаныр хүннерде- 383 чедип турар.

Эмчиниң дүрген дузазын келдирткен 2239 медээлерниң 890 таварылгада аарыгның чидиг хевири илереттингенин хамаарыштырып болур. Эң-не хөй медээлер 17 - 23 шак аразында кээп турар.

Сагындырып каар чүүл, дүрген дуза чедирер бригадалар кадыының байдалы эң-не берге чадада келген таварылгаларда чалалгаларны мурнады хүлээп турар. Грипп, ОРВИ-ден аарый бергениниң демдектери илереп келген болза, ону поликлиникаларда соңгаарладып болбас (неотложка) албанның телефоннарынче долгааш, эмчилерни бажыңынче чалап болур. Аарыг өөскүп турар үеде шак ындыг албаннар дыштаныр хүн чок 20:00 шакка чедир ажылдап, бажыңнарже чалалгаларны хүлээп турар.