Абаканга сентябрь 12–15 хүннеринде кикбокстуң "фулл-контакт" база "лайт-контакт" деп хевирлеринге Бүгү-россия чергелиг турнир, Омск, Иркутск областары, Красноярск, Алтай крайлар, Железногорск хоорайдан, Хакас база Тыва республикалардан ниитизи-биле шилиттинген 250 спортчулар бедик белеткелин көргүзүп киришкеннер. Маргылдааның кол сорулгазы Сибирьге кикбоксту аныяктар аразынга сонуургалын көдүрери база сайзырадыры болур.
Маргылдааның түңнелинде бистиң республикадан дараазында кикбоксерлар чараш аргалары-биле база тиилелгеже чүткүлдүүн көргүзүп, өскелерден шылгарап, шаңналдыг черлерни алганнар: Чечен-оол Оолак – 1 дугаар чер ап, тиилекчи болган, Артем Злотников биле Валентина Оюн – 2 дугаар шаңналдыг черге төлептиг болганнар база Азия Долума – 3-кү шаңналдыг черже көдүрүлген.
А.ЧАМБАЛ-ООЛ.
Чурукту интернеттен алган.
«Шын» №72 2024 чылдың сентябрь 21
