Көдээ черлерже ажылдап чоруур күзелдиг башкылар июнь 15-ке чедир чаа өөредилге чылында башкылаар кылдыр школаның удуртулгазы-биле күш-ажыл керээзин чарар ужурлуг.
Тываның Өөредилге яамызы “Көдээ суурнуң башкызы” программадан 1 млн рубльдиң чаңгыс катап хары угда бээр төлевирин алыр эргелиг башкыларның, киржикчилерниң төнчү даңзызын июль 20-ге чедир бадылаар.
“Өөредилге хөгжүлдези” федералдыг күрүне программазы-биле 2022 чылда Тывага дараазында 18 кожууннуң школаларынга: Шуй, Хөнделең биле Дөң-Терезин, Хөндергей биле Ийме, Бүрен-Аксы, Терлиг-Хая, Ак-Чыраа, Тарлаг, Алдан-Маадыр, Кочетов, Ү-Шынаа, Адыр-Кежиг биле Ырбан, Иштии-Хем, Ак-Туруг, Элегес база Качыкта хостуг олуттарга дээш төлевир акша-хөреңгизин тускайлаан.
“Көдээ суурнуң башкызы” программага киржир күзелдиг башкылардан билдириишкиннер хүлээп алыышкыны апрельде доозулган. Майда мөөрей киржикчилериниң документилеринге демдектерни салып, үнелел чадазын тургускан соонда, программаның тиилекчизинче кордакчылар билдинген. А июньнуң ортанга чедир ол башкылар ам ажылдаар школазынче аъттанып, башкылар коллективи база удуртулгазы-биле таныжып, чаа черже көжериниң, ажылга турумчуурунуң айтырыгларын шиитпирлээр.
Өске суур азы регионче көжеринге чөпшээрежип, тускай шилилдени эрткен башкы тус черниң школазынга ажылдай бергеш, 1 млн рубль, Ыраккы чөөн чүк федералдыг округка 2 млн рубль чаңгыс катап хары угда бээр төлевирни алыр. Акшаны кандыг-даа сорулгага ажыглап болур.
/ Тываның Чазааның парлалга албаны.