Россияның Культура ажылдакчыларының хүнү-биле культура адырының ажылдакчыларынга болгаш хоочуннарынга күрүне болгаш ведомстволар шаңналдарын тывыскан.
Чазак Даргазы Владислав Ховалыгның даалгазы-биле ак-сеткилдиг ажылы база культура болгаш уран чүүл шугумунга күш-аажылчы чедиишкиннери дээш Тываның Баштыңының өөрүп четтириишкин бижии-биле ТР-ниң культура шугумунуң хоочуну Александр Доржуевич Хомушкуну болгаш Тыва культура төвүнүң удуртукчузунуң оралакчызы Меңги Васильевна Ондарны шаңнаан.
Культура сайыды Виктор Чигжит бүгүдеге байыр чедирип, культураның тергииннеринге хүндүлел бижиктерни, өөрүп четтириишкин бижиктерин болгаш медальдарны тывыскан.
Үр үеде ак сеткилдиг ажылы база культура болгаш уран чүүлдүң хөгжүлдезинге киирген үлүг-хуузу дээш культура сайыдының өөрүп четтириишкин бижии-биле Надежда Анатольевна Шоңнай-оолду, Наталья Владимировна Раитинаны, Чингис Буянович Соржуну база Шораан Юрьевич Хертешти шаңнаан.
Культура яамызының хүндүлел бижии-биле Раиса Кыргысовна Чыдыг-Эник, Чойгана Николаевна Донгак, Татьяна Анатольевна Сарыг, Буян Сай-оолович Моңгуш, Маңнай Болат-оолович Хомушку, Болат-оол Хүлер Ховалыгович Болат-оол, Наталья Маныковна Куулар, Айдың Шораанович Моңгуш база Мила Владимировна Бүдегечи шаңнатканнар.
Оон ыңай, Культура яамызының тергиин хөрек демдээн Валерия Чаш-ооловна Донгакка, Чечек Салчаковна Моңгушка, Екатерина Удувас-ооловна Хертекке, Алдын-Кыс Кара-ооловна Дангытка, Томас Коңзай-оолович Монгушка, Саида Чамыяновна Бюрбюге, Айгерим Демир-ооловна Салчакка, Аида Буудаевна Кууларга, Арсений Николаевич Сюрюнга, Долана Доржуевна Кара-Салга, Вера Кыргысовна Танзыга база Зоя Тас-ооловна Донгакка тывыскан.
Культура яамызынң медээзи-биле.
