Культура бажыңнарының капиталдыг септелгези

Алдан-Маадыр болгаш Эрги-Барлык суурларның культура бажыңнарында капиталдыг септелгелер эгелээн.

“Культура” нациионал төлевилел-биле шак ындыг улуг хемчээлдиг септелгелерни чорудар аргалыг болуп турар дээрзин сагындыры пкаары чугула. Сүт-Хөл кожууннуң Алдан-Маадыр суурда “Самбажык” аттыг Культура бажыңының серизинден эгелээш, көрүкчү залы, эжиктер, соңгаларын шуптузун чаартып септээр. Ол ышкаш одалга системазын бүрүнү-биле чаартыр. Ол бүгү ажылдарны “Депшилге” КХН чорудуп турар. Бо хүлээникчи организация эрткен чылын ол-ла Алдан-Маадырда школаның капиталдыг септелгезин чоруткан. Оон аңгыда Бай-Тал суурнуң школазын база септээн, Кызылдың Халдавырлыг аарыглар эмнелгезиниң серизин чаарткан.

Бо хүннерде Алдан-Маадырның Культура бажыңының серизин септеп доозуп турар. Суурнуң кол культура албан чериниң оран-савазын долузу-биле эде септээш, даштыкы хевири, кол кирер эжик талазын өскертип, чаартыр дээш кылыр ажыл ам-даа хөй.

Ол ышкаш база бир капиталдыг септелге Барыын-Хемчиктиң Эрги-Барлык суурунуң көдээ культура бажыңында чоруп турар. Ол ажылды хууда сайгарлыкчы “Хуурак” март 20-ден тура эгелей берген. Бо хүннерде ында 13 ажылчын хаара туттунган. Тудуг материалдарын дажып, өөртүп каан. Капиталдыг септелге план ёзугаар сентябрь 1-де доостур.

Каа-Хем кожууннуң Сарыг-Септе уругларның уран чүүл школазының капиталдыг септелгези бо хүннерде эгелээр. Ону “Бастион” КХН кылыр деп хүлээнген. Ол ажылды 2024 чылдың күстен бээр доозар дээн.

#нацпроект #культура #Минкульт #капремонт #дома_культуры #Тува