Курлавыр шериглерниӊ 1 хуузун келдиртир.

Сентябрь 21-де Президент Владимир Путин курлавырда шериглерниӊ чартык-чамдыызын мөөӊнээриниӊ дугайында Чарлыкка ат салганын российжилерге чарлаан. РФ-тиӊ Чепсектиг күштеринге шериг албанын эрттирген болгаш амгы үеде курлавырда турар улусту келдиртирде, оларныӊ арга-дуржулгазын болур-чогууру-биле барымдаалар дээрзин Президент айыткан.

Россияныӊ Камгалал сайыды Сергей Шойгу шериг курлавырындан 300 муӊ кижини келдиртир. Ол дээрге чурттуӊ курлавырында бүгү шериглерниӊ 1 хуузу болуп турар. Курлавыр шериглерин чыгган соонда, тускай белеткелди эрттирер, отделениелер болгаш взводтар бир демниг ажылдаар кылдыр чаӊчыгып өөренген соонда, чүгле ынчан оларны дайынчы даалгаларже чорудар дээрзин «Россия 24» телеканалга чугаалаан.