Кызыл капустадан болгаш свекладан салат

Херек чүүлдер:

Хээп каан 500 грамм кызыл капуста, 500 грамм хайындыргаш, дүрбүп каан свекла, 8 доорап каан дузаан огурец, 2 омааш олива, 6 омааш олива үзү, 2 омааш уксус, 3 омааш укроп, дус, перец.

Хээп каан кызыл капустаны тавакка ургаш, дүрбүп каан свекланы, доораан огурецтерни болгаш оливаны холуй уруптар. Өске бичии тавакчыгашка олива үзүн, уксусту, укропту холааш, бичии соок сугдан немээш, экидир булгаар. Улуг тавакта саладыңарже белеткеп алганыңар хандыны кудупкаш, экидир булгаптыңар. Салатты бичии тургузупкаш, чип болур.

"Шын" №56, 2023 чылдың июль 29