2024 чылдың июнь 3-тен 6-га чедир чылыг четкилеринге гидравликтиг шенелделерниң ужун Кызыл хоорайның болгаш Каа-Хем суурнуң хөй аал чурттаар бүгү бажыңнарынга, албан черлеринге болгаш организацияларга изиг суг хандырылгазын түр үеде өжүрер.
Бо үеде бажың иштиниң изиг суг системаларында сугнуң бары ында суг киирер дээктиң үрелиин азы башкарыкчы организацияның талазындан күүседикчи хүлээлгелерин чедир күүсетпейн турарын херечилээр.
Чугулаалаар чүүл — суг киирер арматура дээгиниң үрелии бажың иштиниң чылыдылга болгаш изиг суг системаларының үрелиишкинин болдуруп болур! Бажыңның башкарыкчы компаниязынга ооң дорт хүлээлгелериниң дугайында сагындырыңар. Чылыг четкилеринде үрелиишкиннер база чара тепкен таварылгалар илереттингенде, Кызылдың чылыг-электри төвүнде Үрелиишкин-диспетчер албанынче 3-10-59 дугаар телефонче дамчыдыңар.
Хөй аал чурттаар бажыңның изиг суг хандырылгазын Кызылдың чагырга чериниң доктаалынга дүүштүр 2024 чылдың июнь 3-тен эрте эвес үеде түр өжүрер. Изиг сугну көрдүнген хуусаадан эрте өжүргенде, ооң дугайында Кызылдың Чаңгыс аай дежурный-диспетчер албанынга 9-10-08 телефон дамчыштыр дыңнадып, башкарыкчы компанияның багай ажылын бүрүткээр.
«Шын» №40 2024 чылдың июнь 1
