Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Кызылдың президентиниң кадет училищезиниң сѳѳлгү коңга байырлалы

23 мая 2023
14

Май 20-де Тываның дээди болгаш ортумак ѳѳредилге черлериниң доозукчуларының сѳѳлгү коңга байырлалы болуп эрткен. 2022-2023 ѳѳредилге чылын чедиишкинниг дооскан доозукчулар байырлыг хемчеглерин янзы-бүрү хевирлерге демдеглеп, башкыларының, аалчыларның чаагай күзээшкиннерин, чагыг сѳстерин дыңнап, ѳѳрүшкүлүг-даа, кударанчыг-даа чалыы назынның байырлалын демдеглээннер.


Ол-ла хүн ѳске доозукчулар-биле бир деңге Кызылдың президентиниң кадет училищези 9 биле 11 класстарның доозукчуларының сѳѳлгү коңга байырлалын эрттиргеннер. Байырлыг хемчег маңган ак шериг хептерлиг, эгиннеринде «Доозукчу-2023» кызыл кожааларлыг доозукчуларның шеригжиткен парады-биле эгелээн. Ук хемчегге Тываның федералдыг инспектору Шолбан Монгуш, Тываның эртем талазы-биле агентилелиниң директору Алена Стороженко, 55-ки мото адыгжы бригадазының командири Азат Фатхудинов, Российжи гвардияның Тывада салбырының начальниги болгаш ѳске-даа хүндүлүг аалчылар киржип, доозукчуларга, училищениң башкыларынга, ажылдакчыларынга, ада-иелерге байырын чедирип, чагыг-сүмезин, чаагай күзээшкиннерин бергеннер. Эрге-хоойлу ажылдакчыларын тѳлээлеп келген аалчылар патриотчу кижизидилге талазы-биле хѳй-ниити ажылынга идепкейлиг киришкен училищениң доозукчуларын, башкыларын ѳѳрүп четтириишкин бижиктери-биле шаңнаан.

Кызылдың президентиниң кадет училищезиниң начальниги Уран-кыс Ондар байырлыг хемчегге киришкеннерге училищениң удуртулгазының ѳмүнээзинден изиг байырын чедирип, бо удаада училищезиниң 5-ки доозукчуларын доостуруп турарын демдеглеп, эртем, уран чүүл, спорт дээш бүгү талазы-биле эң-не салым-чаяанныг, тергиин ѳѳредилгелиг доозукчулары доозуп турарын чоргаарланып чугаалаан. Оларга тѳрээн училищезин үргүлчү сактып чоруурун, доозукчу бүрүзү бодунуң шилип алган дээди ѳѳредилге черинче чедиишкинниг дужаап алырын күзээн. Ол ышкаш Ада-чурттуң Улуг дайынының киржикчилери – ѳгбелерин, амгы үеде шеригниң тускай операциязында киржип турар эрес-дидим маадырлар-биле кезээде чоргаарланып чоруурун, чонунуң, чуртунуң алдар-адын бедик кѳдүрүп, күчүлүг Россияның, тѳрээн Тывазының сайзыралынга үлүг-хуузун киириштиреринге улуг идегелин илередип, чагыг-сүмезин берген.

Байырлыг хемчег үезинде доозукчуларның янзы-бүрү хемчеглерге, байырлыг парадка тудуп турганы Россияның, Тываның күрүне туктарын база Камгалал яамызының, училищениң тугун дараазында салгалга дамчыдып берген. Бешки класстарның кадеттери доозукчу акыларынга, угбаларынга чаагай күзээшкиннерни шүлүктеп, эрткен ѳѳредилге чылында оларның дуза-деткимчезинге ѳѳрүп четтиргенин илереткеннер. Сѳѳлгү коңганың вальзын самнаан соонда, кадеттерниң шеригжиткен кѳргүзүглери болгаш шериг парады-биле байырлыг хемчег доозулган.

Доозукчуларның мурнунда удавас эгелээр күрүне шылгалдаларын чедиишкинниг дужаар, боттарының шилип алганы Россияның аңгы-аңгы дээди ѳѳредилге черлеринче кирип алыр сорулгалар салдынган.
Тываның келир үези болур бүгү доозукчуларга чайынналчак бедик чедиишкиннерни, ак орукту, чаагай чолду күзеп каалыңар.

Бистиң корр.