Январь 9-та Кызылдың болгаш Кызыл кожууннуң ХБАБ эргелелинге 2025 чылдың байырлыг ажыдыышкыны болуп эрткен.
Эң баштайгы бадыланышкан аныяк өг-бүлениң болгаш эң баштайгы төрүттүнген чаштың бүрүткелин байырлыг хемчег кылдыр демдеглээн.
Хоойлу ёзугаар өг-бүле болган дугайында херечилелди 2025 чылда бир дугаар Арат Алексеевич Сувакпит-биле Лилия Вэйдуновна Цянь алгаш, ынакшылдың болгаш ашак-кадай болганының сүлде демдээ – алдын билзектерни солушканнар.
2025 чылдың Тывада бир дугаар төрүттүнген чаш төлү- Шойгу Аянович Саая болган. Ол январь 1-де 00.52 минута турда Сайрана Буяновна Сааяның өг-бүлезинге дун оглу болган.
Байырлыг хемчегге аныяк өг-бүлегге болгаш чаш оолга чылыг чымчак сөстерни йөрээвишаан, келген аалчылар белек-селектерни сунган.
База ол ышкаш этно-фольк бөлүк «Чычыынак» хөгжүмнүг байырны сөңнээн.
Тываның Юстиция яамызының медээзи.
