Тываның чурттакчыларын “Өлүм чок полк” акцияның чаа формадынга киржиринче чалап турар.
Бо чылын акция хоорай, суурларның төп кудумчуларынга чыскаал-биле кызыгаарланмайн, Тиилелге хүнүнге уткуштур Ада-чурттуң Улуг дайынының хоочуннарының дөргүл-төрелдери, амгы салгалдары социал четкилерге боттарының арнынга #нашБессмертныйполк хештегти немээш, оларның маадырлыг төөгүзүн чугаалап, бижип, чуруктарын салыры күзенчиг. Ол төөгүлер чыл дургузунда Россияның Өлүм чок полугунуң интернетте арыннарынче салдынар.
Оон аңгыда автомашиналар соңгаларынга маадыр өгбелериниң чуруктарын, орден-медальдарын көскү кылдыр шимеп алырын чөпшээреп турар. Ол ышкаш бажыңнарның соңгаларын база шак-ла ынчаар шимеп, социал четкилерде боттарының арыннарында аватарын өг-бүлезинде дайын хоочуннарының чуруктары-биле солуп алырын сүмелеп турар.
Допчузу-биле, “Өлүм чок полк” акцияның https://clck.ru/R5iMc. сайтызындан билип ап болур.