Россия чергелиг «Төрээн дыл болгаш төрээн чогаалдың тергиин башкызы» деп профессионалдыг мергежил мөөрейиниң регионалдыг чадазы эгелээр.
Национал школа хөгжүдер институт бүдүн Россия чергелиг «Төрээн дыл болгаш төрээн чогаалдың тергиин башкызы» деп профессионал мергежил мөөрейиниң регионалдыг чадазын чарлап тур.
Киржириниң дугайында билдириишкиннерни 2023 чылдың март 10-га чедир irnsh_tuva@mail.ru электроннуг адресче чортур. Харылзажыр телефону: +7(39422) 6-17-52.
Кожуун бүрүзүнден чаңгыс башкы киржип болур. Кызыл хоорайдан дөрт кордакчыны чөпшээреп турар. Киржикчилерниң башкы стажы ийи чылдан эвээш эвес болур ужурлуг. Регионалдыг чаданың тиилекчизи республиканы бүдүн Россия чергелиг мөөрейге төлээлээр.
2022 чылда «Төрээн дыл болгаш төрээн чогаалдың тергиин башкызы» мөөрейинге Россияның 30 аңгы чоннарының дылдарының башкылары киришкен.
Мөөрейниң кол сорулгазы – төрээн дыл болгаш чогаал башкыларын деткиири, арга-дуржулга солчуру болгаш төрээн дылды башкылаарының чаа угланыышкыннарын база аргаларын нептередири.
Национал школа хөгжүдер институттуң медээзи-биле.