Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

МААДЫРЛАР УТТУНДУРБАС

7 мая 2023
18

Ада-чурттуң быжыг тɵвү ССРЭ-же күжүн дɵгеп,
Араатан дег фашист Гитлер халдаан медээ
Таңды-Саян арттар-сыннар ажыр-ажыр
Талыгырда Тыва черге диңмиттелген.

Чазак, намның доктаалдарын күүседир дээш,
Чалыылар-даа, кырганнар-даа балдыр сыкпаан.
«Бүгү күштү – фронтуга!» деп кыйгы-биле
Бүгү Тыва арат чону дүймеп хɵлзээн.

ϴршээл чокка тулчуп, сокчуп билир кылдыр
ϴɵредилге, белеткелдер ыяк эрткеш,
Дадай билбес аныяктар соруу кыптып,
Дайындыва чорударын чедип алган.

Бир муң тос чүс дɵртен үш чыл, беш ай – майда
Бирги бɵлүк он бир танкист аъттаныпкан.
Тулчуушкунче кириптерге, демир аъды»
Тура дүшпес, бүзүрелдиг, тулган болган.

Ол-ла чылдың онза күзү –сентябрьда
Оолдар, кыстар аразындан шилиттинген
Тɵлептиг дээн ийи чүс алды дайынчыны
Тɵрээн чери, тɵрелдери сургап үдээн.

Сүбедейниң, ɵгбелерниң тɵɵгүзүнден
Сүзүү, соргаа эът-кеш, ханда сиңген чадап,
Аъттыг, чадаг эри-кызы часпас адар
Аажок эрес, дидим чон деп үнелеткен

Амы-тынын артынга каап демисешкеш,
Аяс дээрни салгалдарга чаалап берген.
Эки турачы аъттыг шериг эскадрону
Эң-не бедик, хүндүткелде, мɵңге дириг!

Чүс-даа чылдар эртип турза, маадырлар
Чүректерде ɵшпес от дег уттундурбас, чырып чоруур.

/ Нина СЕРЕНОТ.
"Шын" №33 2023 чылдың май 6