Тываның Баштыңы Владислав Ховалыг Украинага тускай операция үезинде мөчээн шериг албанныг оолдуң өг-бүлезинге кажыыдалын илереткен.
«Аарышкыдан база мөгейигден чүрээвис долган. Улусчу республикаларга дузалашкан тускай шериг операция үезинде, Донбасска, бистиң солдадывыс Хүреш-оол Тиил-оолович Монгуш мөчээн. Ооң төрел чонунга база чоок кижилеринге ханы кажыыдалды илередип тур мен. Ол бодунуң оруун шилип алгаш, албан хүлээлгезин төнчүзүнге чедир күүсеткен. Хуреш-оол Тиил-оолович Ада-чуртун, чонун камгалап, тайбың дээш бодунуң амы-тынын берген. Төрээн чуртувустуң маадырынга мөңге алдар!» - деп, В. Ховалыг демдеглээн.
Мөчээн оолдуң өг-бүлезинге бүгү талалыг дузаламчы көргүстүнер.