Россияда март 1-ден тура көдээ ажыл-агый малын маркировкалаары албан апарган дээрзин ТР-ниң Ветеринарлыг албан чери дыңнадып турар.
Чаңгыс аай федералдыг реестрже киирери-биле Россияның Көдээ ажыл-агый хайгаарал албаны «Хорриот» информастыг системаны ажылдаткан. Чаа модуль мал-маганны хайгаараарынга, ооң көжүп турарын, эмнээр болгаш карантинниг хемчеглерин хайгаараар болгаш санаашкынын чорударынга дузалаар.
Чаа модульду ажылдатканындан эгелээш Тываның ветеринария албаны республиканың көдээ ажыл-агыйларында 41907 баш бода малды, 130538 баш шээр малды база 115 баш хаванны илереткен.
Мал-маганны шүүштүрүп хынаар база санаар талазы-биле хүлээлгезин күүсетпээни дээш хуу болгаш албан черлери административтиг харыысалгага — торгаалдыг кызагдаашкыннарны онаап болурун ТР-ниң Ветеринарлыг албан чери сагындырып турар.
Ол ышкаш бүрүткеттинмээн мал-маган болгаш ооң продукциязынга ветеринарлыг кошкан документилер долдурарын хоруур дугайында ук албан чериниң дужаалы үнген. Ол дээрге санаттынмаан мал-маганның эъдин, сүдүн садып-саарары болдунмас дээн.
ТР-ниң Ветеринарлыг албан чериниң медээзинден
Чурукту интернет четкизинден алган.
«Шын» №37 2024 чылдың май 22