✻ Эрип турар харның кезек чамдыызын чалдарга бөлгеш, а өскезин участоктуң чавыс черлерин хөме албас кылдыр үндүр аштаар.
✻ Ыяштарның болгаш чадаң үнүштерниң будуктарында харны сына бербес кылдыр, аштап-арыглаар.
✻ Ыяштарның унун хүн чырыынга өрттенмес кылдыр водоэмульсиялыг краска азы чугай-биле чаар.
✻ Кызырак-кат биле инек-карааның сыптарын кезер.
✻ Чимистиг ыяштарның болгаш чадаң үнүштерниң сыптарында чарык, балыг, оңгар болгаш өске-даа дудуу черлер бар-дыр бе, хынаар.
✻ Чылыткы (теплица) болгаш парниктерни белеткээр. Үнүш олуртур хөрзүннү белеткээр мурнунда, ооң иштин дезинфекциялаар.
✻ Ыяштарның дөзүнден будуктарынга чедир хоралакчылардан камгалалды кылыр.
✻ Сад честек-кады биле хөй чылдыг үнүштерниң кырында дожаң харын бузуп аштаар. Чалдың дожаң харын доозазын аштавас, доңат бооп болур.
✻ Чечектерни хынаар. Оларны агаар-биле хандырары-биле өйлеп-өйлеп шывыын ажыдып каап турар болза эки.
✻ Өзүмнерни олуртуп эгелээр, оларның шынарындан келир дүжүт дорт хамааржыр.
“Шын” №22 2024 чылдың март 23
