Бир-ле черге Март акый чурттап чораан. Арганың дириг амытаннары шупту ону аажок хүндүлээр. Чүгле ооң доктаамал эвезин кайгаар турганнар. Чок болза хадын үре бээр, чамдыкта дамырактары ырлажы кааптар азы дүвүлүг харын кудуптар, туруп-туруп, хемнерниң дожу эрип, оон катап доңа-даа бээр.
— Март акый, — деп, бир хүн дииң сонуургап айтырган — сенде беш улуг-хүн бар кандай чоор? Чок болза чылып, чок болза соой бээр сен. Аргада ам-даа улуг хөртүктер бар-дыр. Час дүшкен ышкажыл, ындыг турбас ужурлуг.
Дииңни чараа-чечен деткээн.
— Кажан частың тыныжы кээрил, Март акый? Сооктардан шылай бердивис.
Чараа-чеченге көк-хөкпеш база каттыжыпкан:
— Март акый, кажан кара хөрзүн көстүп кээр? Курт-кымыскаяктар кажан оттуп кээрлер? Аштанчыг-дыр.
Март акый шуптузун дыңнап турза-даа, ыыт чок болган. Ол чылыгны аазап шыдавас. Ол кышкы ай Февраль-биле кожалар болгай. Ооң күжү улуг!
Ынчалза-даа Марттың бүзүрелдиг эжи бар — Хүнчүгеш.
Кажан чемелээшкиннер дыңнаары хөңнүнге дээптерге, ол Хүнчүгешче хүлүмзүрүүр, ол база ынчаар харыылаар. Ынчан хөртүктер эрип, агаар чассып, часкы аландылар көстүп, курт-кымыскаяктар оттуп эгелээр.
Бир-ле катап Март кударап олурда, өзен аразындан кашпагай Дамыракчыгаш эртип чыткан. Ол Март акыйга хөглүг ырын шулурадыр ырлап берген.
Март сергей хона бергеш, Апрель акыйже аалдап чоруп каан. Апрельге часкы эстафетаны дамчыдары ол.
Ирис Ревю.
Чурукту интернеттен алган.
«Шын» №9 2025 чылдың март 13