Тывадан ийи дайынчыга, Сайдаш Иргит биле Сайгын Бюрбюге, «Тускай шериг операциязынга киржилге дээш» деп медальды тывыскан.
2024 чылдың июнь 12-де «Барс» отрядтың эки турачыларынга Россия Федерациязының Камгалал яамызының «Тускай шериг операциязынга киржилге дээш» деп медалын тывыскан.
Командирниң 2024 чылдың июнь 12-де №17 дужаалы-биле тускай шериг операциязының үезинде көргүскен эрес-дидим чоруу дээш Сайдаш Иргит биле Сайгын Бюрбю шаңнаткан.
Сайгын Бюрбю – республикада билдингир журналист, Тыва Республиканың шериг комиссариадының хамаатылар-биле ажыл чорудар салбырының начальнигиниң дузалакчызы болуп ажылдап тура, «Барс» отрядтың хүрээлеңинче эки тура-биле бижидип алгаш, эрткен чылдың декабрьда тускай шериг операциязынче чорупкан. Тыва Республиканың шериг комиссариадының коллективи Сайгын Сааяевичиге чоргаарланып турар!
Шериг комиссариадының медээзинден.
Чурукту авторнуң архивинден алган.
“Шын” №44 2024 чылдың июнь 15
![](https://sun4-19.userapi.com/impg/wHS3orFghb7GGaW7TCTuHsWCvjb4bzBvzVJQig/Xv7R5tmkM_w.jpg?size=673x807&quality=95&sign=ae3721601c3bd3ebf52a38b6450e75e7&c_uniq_tag=Wzo0svNOaNuRvQ7UvDoyg3qSc4G40Fz5JYMRvMriSj8&type=album)
![](https://sun4-19.userapi.com/impg/0yCet8Z6dcUNF72YlPTxHZDLb2LSKjutukWEfg/P03h8gWbeQ0.jpg?size=760x681&quality=95&sign=47f3fa406970c1c050bd11c5fe0ad5ee&c_uniq_tag=bVw5e0HFNyLQFoIVeNuImwO0xajhax5uExmVAYk-9jk&type=album)