Кызылдың Төлээлекчилер хуралынче болгаш республиканың парламентизинче 2 округтан депутаттарны шилиир соңгулдалар бо хүн эгелээн.
Кызылдың “Медицинский” дугаары 6 соңгулда участогунуң даргазы Дадар-оол Сендин:
Бистиң соңгулда участогунда бүрүткеттинген 1161 соңгуур ужурлуг соңгукчуларының 130-ни бөгүн 12 шакка чедир боттарының хамааты хүлээлгезин күүседип, соңгупкан Бо девискээрде 7 эмнелге бар. Ында чыда эмнедип турар 71 аарыг улус бо соңгулдаларга киржир эргелиг. Оларга 7 шавар-хааржактарны белеткээн. Бистиң соңгулда участогундан ийи кижини белеткээн бис. Олар эмчиде чыдар аарыг улуска даартадан эгелеп барып эгелей бээр. Ниитизи-биле соңгулданың бирги хүнү эки эрттип тур. Соңгукчулар бо эртен, 8 шакта участок ажыттынарга-ла, бир шак дургузунда 50 ажыг кижи соңгупкан.
Бо соңгулда участогунга бодунуң хамааты хүлээлгезин күүседип, хөйге билдингир спортчу, дзюдога Россия Кубогунуң эдилекчизи, делегей чергелиг спорт мастери Саян Ондар база келген:
- Бөгүн бо соңгулдаларга идепкейлиг киржип, бодум үнүм бээр дээш, амы-хуумда соңгуп чедип келдим. Тывавыстың найысылалы, ооң чурттакчы чонунуң сайзыралы бөгүн үнүвүс берип турарывыс депутаттың кандидаттарындан хамааржыр болуп турар. Ынчангаш бодумнуң спортчу эш-өөрүмнү, өске-даа чурттакчы чонну келир үеде сайзырал дээш, эки амыдарыл дээш үнүн берип, хамааты хүлээлгезин күүседиринче кыйгырар-дыр мен.
Надежда. Кызылдың чурттакчызы:
-Солун-дур. Чуртталгамда бир дугаар хааматы хүлээлгем күүседип, үнүм берип соңгудум. Анаа-ла соңгуур дээш эвес, а келир үеде эки амыдырал дээш, ону чедип алырынга үлүүн киирип шыдаар депутатты шилип, үнүп бердим.
Хаматыларның кичээнгейинге, бадылаашкын сентябрь 09-тан 11-ге чедир болур. Шупту соӊгулда участоктары 8.00 шактан 20.00 шакка чедир ажылдаар