Бир ядыы өг-бүле хлебтер быжыргаш, ону кожазында садыгга дужаап турганнар. Бажыңның кыс ээзиниң быжырган бир хлевиниң деңзизи-ле 1 кг. Хлебтен кирип турар орулгазы бөдүүн өг-бүлеге дыка улуг деткимче болуп турган.
Бир-ле катап садыгның ээзи аңаа хлеб дужаап турар кожазының шынчызынга чигзинип эгелээн. Ынчангаш ол хлебтерни деңзилеп көрген — бир хлеб-ле 900 грамм болган. Ол чүүлге садыгжы дыка хорадаан.
Даартазында кожазы хлеб дужаап кээрге, садыгжы ажынып чугааланган:
— Моон соңгаар бээр хлевиң эккелбе! Дөмей-ле сенден хлеб садып албас мен, мегечи-дир сен! Хлевиң деңзизи 1 кг деп чугаалап турдуң, шынында 900 грамм болду. Сеңээ мегелетпес мен!
— Бисте деңзи чок … Деңзи орнунга ажыглап турган бир килограмм чигирни сенден садып алган болгай бис. Кадайым-биле хлебтиң килин ооң-биле хемчээп турдувус…
"Шын" №62 2024 чылдың август 17