Интернет четкизинде Россияның Президентизи Владимир Путинни ээжелекчи, халдакчы (агрессор) деп хөй меге медээлер үнүп турар. Чурттуң Президентизиниң шиитпири халдакчы, ээжелекчи эвес дээрзин чонувус билзе чогуур.
Сайзана Товуу, ТР-ниң Тыва дыл инспектору: "Бо үеде бистиң чурттувустуң баштыңы – Президентивисче дорт халдаашкын чоруп турарын эскерип тур боор силер. Барыын чурттарның чылдар дургузунда белеткелдиг акциязынга либералдыг болгаш удур хөделиишкинниг массалыг медеглел чепсектери каттышты. Өөренгени-биле хоп-мегени тарадып, медээлерни боттарынга таарыштыр ажыглап, кижи бүрүзүнүң угаан-медерелинге, сагыш-сеткилинге артык дүвүрелди тарып турлар. Оларның сорулгазы-чурттуң удуртулгазынга бистерниң бүзүреливисти чок кылыры. Чурттувустуң удуртукчузу үр үениң дургузунда бо айтырыгны Минск дугуржулгазын таварыштыр тайбың чорук-биле шиитпирлээрин оралдашкан, ынчалза-даа деткимче албаан. Ынчангаш бо харыысаалгалыг шиитпирни хүлээп алганы Президентивистиң чайгылыш чок чоруун бадыткап тур. А Россияның чурттакчыларының хөй кезии Президентивистиң шиитпирин деткип турары өөрүнчүг-дүр".
Альберт Узун-оол, Чаа-Хөл кожуунунуң өөредилге эргелелиниң даргазы:"Барыын чурттарның социал четкилери, солун-сеткүүлү, радио, телевидениези реклама-биле чажыртынып алгаш ыят чогу-биле көзүлдүр-ле хоп-меге чүүлдү калбаа-биле тарадып турарын шупту көрүп тур бис. Бистиң чурттувуска удур ол чурттарның социал четкилерде идекпейлии-биле чоргускан ажык медеглел дайыны чоргустунуп турда бистиң ниитилелге чүгле демнежииири чугула. Ынчангаш серемчилелдиг болунар, чангыс чер-чуртугларым, черле меге хопка алыспаңар!"
#Стопфейк