Март 22-де Барнаул хоорайга СФО-нуң ММА-ге чемпионады болган. Спорттуң бо каттышкан дайынчы хевиринге бистиң спортчуларывыс эки түңнелди көргүскеш, 2024 чылда СФО-нуң чемпионадын Кызылга эрттирерин чедип алганнар.
Чаңчыл езугаар 52,2 килге финалга Кежиктиг Хунан-Кара эжи Оттук Сегбелдейни ойнааш, 1 база 2 дугаар черлерге төлептиг болганнар. 56,7 килге 1-ги черни – Айслан Хертек, 61,2 килге 3-кү черни – Алдын-оол Чомбурук алганнар. 77,1 килге 3-кү черге – Херел Салчак төлептиг болган.
Элээди 14–15 харлыг оолдар аразынга 40 килге 2-ги черге Чойган Успун, 44 килге 3-кү черге Дидим-оол Донгак тергиидээн. 16–17 харлыг оолдар аразынга 57 килге 2-ги черни Бырынай Очур, 70,3 килге 3-кү черни Достай Даваа алганнар.
ММА-ниң федерациязы тренерлерге, ТР-ниң Спорт яамызынга, ТывКУ-га, “Пятница” караоке клувунга, “Белдир” АЗС-ке четтиргенин илереткен.
/ Алексей ЧАМБАЛ-ООЛ.
"Шын" 2023 чылдың апрель 1 №23
#Шын #Тыва #Спорт #СФО#ММА #Барнаул
